都知Airbnb比旅客多個選擇,又可以更貼近日本當地既生活，但如果對守日本規則(特別係潛規則)無信心,冇認知,真係希望閣下能選回酒店。
點解咁講,因為我隔離房做左Airbnb,而令成為我成為受害人既,正係香港人。

隔離屋做左Airbnb都有半年多,由觀察到成日有唔同外國人拖o急出入而估到的。雖然我知道左係有d擔心自己既安全同嘈音問題,但一直以來都冇咩事,亦都聽唔到有咩嘈音。係有一次有堆外國人(菲律賓人)開唔到門來求救外真係冇乜野(也是因為呢次事件比我睇到Airbnb既契約書,肯定間屋做左咁既用途)
但冇事只係到前日晚上為止....
----------------------------------------------
【●事發經過】
晚上我如常地半開著窗睡覺,
突然間聽到一把廣東話既女聲

"咦點解呢度既衫架係咁既??!!!"

?!?!?!?!?!(;´Д｀)
我以為我發夢,幻聽,如果唔係點可能聽到廣東話!!!
但作為社畜既我,每日只有珍貴既4-5小時睡眠時間,
好快又恰番著...

"咁難掛既!!!!!!!!!"

?!?!?!?!?!(ﾟДﾟ;)!!!!!

九秒九又彈番起身,sure唔係自己幻聽或發緊夢!!!
咁鏗鏘純正既港式抱怨聲,
旁邊一定係香港人入住左!!
於是我偷望下隔離屋,佢地居然係度晾衫..........!!!

望下個鐘,晚上兩點半。

即係你半夜開機洗衫!!!!!!!!!!!!!(ﾟДﾟ;)

住過日本既人都知道,半夜洗衫係死罪來既。
日本既屋係比較薄,開洗衣機好多時樓下都會聽到/震到。
如果單人屋,好多時隔離屋都會影響埋。
所以大家都會好自重,盡量唔會係晚上洗衫既。

你一次過break 兩條rules,真係勁。

但作為社畜既我,當然比較著重珍惜剩下來o個三個鐘訓覺,
只好稍稍關窗,聽日再同你計。

但當然,Airbnb係投訴無門既。
你可以直接去敲對方門,但既然佢連半夜都唔識得收細聲,
都唔可能期待佢會say sorry, 仲可能會反咬你一啖。
(作者都試過幾次咁,真係唔再挑戰啦)

咁點算好??當然係同房東,管理處投訴。
將airbnb上隔離屋既資料print出來比佢地睇做証明,
有生保人非住客經常出入,佢地都反映咁係違約,會積極同本來既屋主(租客)傾,考慮到7月會解佢既租。(但見佢booking到8月9月都有,哈哈)

自此多得呢個香港人,Airbnb應該會少左一間房。

而我亦都唔駛再憂心Airbnb帶來既安全/嘈音問題,一了百了。
另外,同房東傾呢件事時,其實那間房樓下正是房東個女住緊,
佢都話呢幾日樓上有嘈音。

全國來講已經好難阻止到Airbnb,
但我真的想同大家講,
日本人番工真係好辛苦架,
平日係電車呀,餐廳呀,觀光地點幾嘈都好,
都跪求你地比佢地一個安靜既晚上啦.......
如果覺得有所困難,都係住酒店啦.....


https://www.facebook.com/209702902717886/photos/a.209719662716210.1073741828.209702902717886/266255327062643/?type=3&theater;