城大倒館頂倒塌被揭冇入則、MPF全年蝕510億但基金佬就賺710億、支持梁天琦者被ICAC調查、中國恐怖份子亂港、空群出動執死人橙... 都只係一星期之內發生嘅事，好似好唔妥，但又做唔到啲乜，呢種無助感，好令人氣餒。

香港人，你麻木咗未？

每一日都要為供樓、交租、為口奔馳，仲要面對呢啲咁hardcore嘅新聞其實真係好辛苦。有時候，搶下廉航機票，間中去下酒店食tea，迴避一下呢啲殘酷嘅現實，的確寫意... 但若果制度仍然唔變，精英繼續出走香港，傳媒繼續染紅偏頗，社會繼續被權貴壟斷，商人繼續只顧賺錢，毋須十年 Ten Years，香港就會比而家更面目全非。
所以，大事我同你未必做到，但能力範圍內做到又啱嘅事，請各位頂住唔好鬆懈，同時互相鼓勵支持。唔知邊一刻，你嘅鼓勵，就係對方撐住香港甚至為香港犧牲嘅原動力。


https://www.facebook.com/IDS.CALL4VAN/posts/1050655561689342