矇住對眼，塞住對耳，話而家好好。呢啲人死咗都唔知咩事㗎喇，餵咗麻醉劑再俾人一刀斬落去都唔覺痛㗎，真係唔想浪費唇舌同佢拗基本常識同邏輯。

講香港墮落，又話我危言聳聽；話殖民統治，又話我對共產黨有偏見；論經濟依賴，又話我識少少扮代表。大佬呀，你啲血汗錢嚟㗎嘛，你唔緊張㗎？不過望到佢張證券戶口月結單，彷彿明白到佢諗緊咩：佢話佢而家賺緊股息，所以係賺；但我拎部計算機計一計，佢明明係淨蝕成兩皮喎。

講樓價會跌，又要挾持我陪你一齊做樓奴，我問一句，「你唔怕做負資產㗎？」，你就話我盲目唱衰個市。妖，你supply demand都唔知係乜啦，你曉得睇個市嘅咩。層樓我有份供㗎，我無權決定買唔買咩？

‎得罪講句‬ ，如果你真係知而家咩環境嘅，你我而家就唔駛住公屋啦。金融風暴嗰陣，你炒外匯輸到賣樓；科網股嗰陣，你又買咩tom.com蝕到仆街；金融海嘯嗰期，你渣落啲中資股，今日都仲蟹緊；最近港股過山車嗰期，你都焦頭又爛額啦！

我真係就嚟頂唔順啲咁嘅老母，真係話佢戇鳩都怕佢嬲。

https://www.facebook.com/pic.hia/posts/484393035079255