隨住大便一舊一舊跌落屎坑 我就會諗 點解人要屙屎

因為我地有食野 殘渣就會變成屎 咁點解要食野？

因為食野可以提供營養俾身體 去維持身體所需 咁點解要維持身體所需？

因為人要生存 咁點解要生存……

我都唔知 我抹乾淨屎忽 離開屎塔 坐到電腦前面 靜靜地係膠登開左個post問 但個post好快就沉左底

於是我就諗 既然無人理我 咁我就自己尋找答案啦

我嘗試去圖書館 揾下哲學類既書 睇到佢地解釋生存為何物 但唔知係咪因為我無咩哲學細胞 我完全理解唔到佢地對生存既哲學

無辦法之下 我開左電腦 慢慢上網揾 希望揾到答案 當然 我都知機會好渺茫…

於是 我係百無聊賴之下又上番膠登 係呢個時候 我見到有位會員烏x龜既post 我睇住佢每一個post都俾人屌 但佢仍然不厭其煩咁繼續開同一類on9 post 此精神實在令我深感佩服

我細心留意住佢 睇住佢不屈不朽既精神 我突然之間覺得自己既問題有左答案啦！

無錯 生存只係為左生存 唔需要理會其他人 就算自己既存在令身邊既人幾不滿都好 都唔洗理 只要自己自得其樂就得 呢個先係活著既意義

生存只係一個好簡單既詞語 唔需要諗到好複雜 有左呢個覺悟之後 我屙屎屙得舒服d 又暢快d