立法會議員黃毓民涉向特首梁振英掟杯案，黃毓民不斷向梁發問，「有無用紙包住塊玻璃？唔擔心割親？唔擔心割爛件西裝咩？」質疑他徒手拾起碎片，並將之隨身攜帶並不合理。梁反指「當塊碎片飛嘅時候，十分危險，但當佢係西裝袋，隔住恤衫、隔住西裝，就唔危險」，認為毋需要用物品包住它。黃自語指「你練過鐵布衫?」

當黃毓民問及梁振英報警過程，梁稱不清楚具體細節，只將玻璃碎片交於保鑣，指示對方報警，「因為大家都清楚見到係襲擊行為」，所以無需向保鑣作出特別指示。黃即回應:「即係一句說話都無講過，咁就報警喇？」梁承認。黃問：「即係你兩個心領神會喇？」裁判官聞言指「呢個都唔係問題嘅」，指示梁不用回答。
黃及後指出，實情是由於保鑣向梁指出會議廳的行為可能構成普通襲擊，他才決定報警，梁否認，稱「作為常人我清楚知道有人用玻璃杯掟我」。
就梁將玻璃碎片交於保鏕、要求對方報警一事，黃不斷質疑兩人竟然「一句說話都無講」，過程並不合理，「將塊玻璃三尖八角袋係身上，就叫佢報警，合理咩？」裁判官聞言不耐煩指「合唔合理應該由法庭判斷」。
黃指梁當時拾起玻璃碎片是用於「表演」，目的為譴責立法會議員，梁否認。黃又要求梁在庭上示範將玻璃碎片帶在身上，但裁判官認為毫無需要而拒絕。




http://hk.apple.nextmedia.com/realtime/news/20160421/55012332