今日開考DSE歷史科，不少考生冒雨到試場應考，有考生在facebook群組表示，今早考試去錯試場，原擔心未能應考，幸而獲得衞理中學校長襄助，不僅即時為考生尋找最近的考試地點，更替他截的士，更借錢予考生前赴考場。

名校Secrets facebook群組中，有考生表示今早準備到嶺南衡怡中學應考時，發現去錯試場，於是到鄰近的衞理中學，獲得該校校長協助，對方先替他致電到考評局查詢附近應考歷史科試場，其後得知東區得蘇浙公學試場可以作臨時試場，校長即時為他找的士，更向對方借$500作車資，最終考生只比開考時間遲10分鐘。其後他到衞理中學還錢時，學校職員也不斷查問他考試是否順利，讓他感受到一份暖意。該校生留言向衞生的學生稱：「麻煩你哋幫我同你哋嘅校長講聲多謝，同埋恭喜你哋有一個咁好嘅校長。」截至晚上9時獲得2.3萬個讚好。
衞理中學校長藍正思接受網媒《立場新聞》查詢時承認事件，表示學校一直鼓勵同學幫助別人，「除了讀書要俾心機，個人品格、肯唔肯幫人都好重要」。
不少網民都激讚藍校長的義舉，稱今時今日像這樣好的校長買少見少，亦有網民將他與教育局局長吳克儉比較，形容兩人「冇得比」。

【網民激讚】
Janet Li：瀕臨絕種的教育工作者
Chuns Kwok：呢啲先係教育界嘅人才，我哋嘅局長簡直無得比
Wingo Wong：小兒讀同機構營辦嘅幼稚園，與有榮焉！真係無讀錯學校
Pan Ho：以生命影響生命
Jackie Jackie：教育界正需要更多好似藍校長為學生設想的人，謝謝你！！！
William Wong：佢喺教我嘅時候已經係男神，一個一啲都唔惡嘅訓導老師！
Tim Lee：呢啲咪叫教者父母心，幼吾幼以及人之幼囉！最緊要係冇違規或影響交通安全嘛！




http://hk.apple.nextmedia.com/realtime/news/20160415/54991251