唔知點解,總係隔離飯香
無論得到幾多,總係唔夠滿足,因為隔離果個擁有既永遠都好似多D,好D
細細個覺得"知足"好易做到,反而唔明大人點解成日話學識"知足"好困難
大大下個胃口好似跟住大左,十蚊既報紙檔手錶,廿蚊既白飯魚開始滿足唔到我
物慾隨住自己既見識一齊增加,想要車想要樓,想買衫買褲換手機
想要既野無止境咁增加,同時我對知識既渴求竟然日減
我好怕自己會變成一個心靈空虛既人
點解?
點解細細個做到既事大個左反而做唔到??
我依加個腦淨係諗住我要點樣搵錢之後買咩買咩
連大學REG科都要迫住自己砌一個可以朝早上晒堂,晏晝去做PT既TIMETABLE
而唔係跟自己興趣REG,但明明冇迫切既經濟需要
只係唔想靠屋企同埋覺得屋企比既零用錢唔夠
到底點解一個每個月2K零用可以淨低1.5K既中學小毒撚(我),可以係畢左業幾個月就開始覺得D錢好窄洗?

我驚左自己...亦都驚左個社會
"物慾橫流"真係唔係講笑