銅鑼灣書店多人失蹤事件，至今仍撲朔迷離。正當港人開始事件關注度冷卻下來時，大律師公會主席譚允芝接受有線電視專訪，形容事件是香港回歸以來最令人憂慮的事，當局至今的解釋仍難以服眾，「表徵咗一啲我哋最唔想見到嘅嘢，因為係一件最無答案嘅事，叫我哋接受嘅答案，全部都唔知喺邊度嚟！」

雖然內地播放多名失蹤職員的電視訪問片段，甚至有對人著鏡頭承認多年前曾「犯罪」，但譚允芝仍然覺得事件不合理，「一般智力嘅人都會覺得問題仲多過答案」。她質疑當事人若非惹上大麻煩，有口難言，官方播放的影片難令大眾相信是當事人自願說出的真相。
她指李波事件雖不足以斷定香港法治已經受損，但的確令人擔心一國兩制受衝擊，「係咪間中就會有一啲例外呀？覺得觸及某一樣嘢、咁就即刻變咗無咗一國兩制？」對於特首梁振英上周與全國人大委員長張德江會面後，稱無再提及李波失蹤，譚允芝指會面是否適合向中央官員追問只有梁振英才知道，「我真係唔知佢做咗幾多，因為佢無同我哋交代過佢做咗幾多。」
她相信政府其實可以做得更多，更應讓市民知道港府做了甚麼，「市民信心要挽回吖嘛！起碼佢哋要知道有個政府為呢件事曾經幫佢哋爭取過。原來你有問、問得好緊要但硬係無答案，呢個係市民需要知道嘅。」
譚允芝又奉勸政府不應將李波失蹤當成「家事」掩飾，將會得不償失，因國際社會對事件都會有自己看法，「咁奇怪，啲答案又唔合理，應問嘅又問唔到出嚟，人哋係可以有個合理睇法，覺得有問題喎一國兩制。」


http://hk.apple.nextmedia.com/realtime/news/20160324/54903745