王維基嘅香港電視噚日宣佈裁員24人，另外仲有14人調職，當中包括新聞部。如不接受調職，就按勞工法例作出離職安排。

消息傳出之後，唔少人留言力撐維基嗌加油，亦有人提議佢轉為網上頻道吸廣告止血、唔好等發牌，更多人將之同亞視周三嘅政總騎呢騷拉埋一齊:「如果王維基買咗王征個牌，咁就唔使煩啦!」

曾有「高人」話，如果將亞視轉為收費電視，問題不就解決了嗎？當然只係講笑。不過亞視現存之內憂外患，卻不是一個笑話。依家亞視已決定就通訊事務管理局之判決上訴，但管理局就表明，就算上訴，都要先炒亞視執董盛品儒。有消息指亞視已決定任命高級副總裁、《大公報》前執行總編輯雷競斌擔任執董，盛品儒改任董事。

亞視堅持話當日政總有超過三百人到場，當中有243名亞視職藝員自動自發到場撐良心亞視，決非報道所指嘅只有「亞視百人」。不過，如果下次再發動集會，到時會否仲有243名亞視人咁多？傳疑，因為今日有報道指，亞視依家捲起逃亡潮，逾50名員工辭職創新高。

其實今次逃亡潮有跡可尋，本月23日，爆出新聞部大地震，屬元老級嘅總編輯馮兆寧也請辭，而製作部副總裁唐德全、助理副總裁伍健強及主播兼副採主吳秀華早前已離職。當時報道指副採主陳興昌則越級升級助理副總裁，據知尚有其他採主及副採主陸續會遞辭職信。

今日嘅報道就披露咗更多下堂求去之亞視要員，萌生去意嘅包括助理副總裁伍健強，亞姐如劉曉智、許瑩、馮雪冰等更久未為亞視開工，原來都向公司請無薪假，等合約到期就走人。陳啟泰同林韋辰亦擬於約滿後離開亞視。 [/size=5]


[#FF0000]執柒左佢啦仆你個街亞視黎架喂[/#FF0000][/size=6]