亞視將於4月1日熄機，一直傳亞視想喺當晚舉行最後一屆亞姐選美，但到今日為止亞視進入倒數9日，亞姐選美完全冇晒聲氣。而亞視噚晚出咗4月1日節目表，原來當晚亞視最後一節目，都係做亞姐，但就係重播節目，重播番《Miss Asia 法國瑰麗巡迴》。

呢個節目係2013年亞視為慶祝亞姐25周年紀念而搞嘅特備節目，由2012亞姐冠軍陳彥蓉同季軍齊真晨、1991亞姐冠軍羅霖同1990亞姐季軍楊玉梅去到歐洲多個地方拍攝，相當揼本，而亞視熄機前最後一個節目，就係播出佢哋去法國一站。
亞視節目無限loop是常識吧，既然最後一屆亞姐又搞唔成，佢哋4月1號最後一刻繼續要抽亞姐水，搵返佢哋13年、慶祝亞姐踏入25屆，去咗法國、葡萄牙搞咗個都繼續《Miss Asia 25th 瑰麗巡迴》做熄機壓軸節目。
《蘋果》就打咗畀有份做呢個節目主持嘅美魔女羅霖，講到亞姐最後一屆搞唔成，佢就話：「可惜咗好耐，電視台都冇咗，無必要搞亞姐，之前幾個月前我喺深圳，仲做佢哋大中華區嘅評判，霍震霆就做主評判，唉，已經太過戲劇化，目前為止出糧畀員工最緊要，其他乜都唔好講，做唔做落去，大家都冇感覺。」
提到佢有份主持嘅亞洲25周年節目，成為佢哋閂台最後一擊，佢就爆返當時拍嘅時候小插曲：「個節目係我有份投資嘅酒生意馬伯樂贊助先拍，我嘅生意拍擋仲指定要我做main主持，我亦都有期，點知亞視幫我推job，同人講我冇期，佢哋推薦其他簽約亞姐去，最後先揭發咗呢件事。最終個次去好開心，食住都係馬伯樂，完成冇不愉快事件，差唔多係豪華團。」
羅霖苦笑提到亞視最後一刻都係重播節目：「無辦法，唔會再擺錢落去，咁多年都冇製作，唔會最後一刻有，希望快啲好好完結咗佢，唔好再鬧笑話，好心痛，自己都係亞姐出身，毛之前突然間話唔做又翻生，成件事政府要負責任。」羅霖仲大讚亞視員工好盡責：「會同佢哋保持聯絡，因為自己生意上會拍廣告、搞活動，會搵佢哋幕後班底拍嘢，因為大家都係亞視出身有感情。」
至於亞視臨時清盤人德勤，對於亞視此節目安排、及是否舉行末代亞姐表示不回應。 http://hk.apple.nextmedia.com/enews/realtime/20160324/54904712
說好的搞亞姐呢