我本身plan左一個人去大阪10日
男朋友(已經變左我前度)傾開計 問我annual leave去邊
我照直答 佢就話想一齊去 (佢明明對日本無乜興趣)
我本身都間接地拒絕 話下次有機會先一齊去
但佢死chur話要拍左1年幾拖都未一齊去過旅行
chur左我兩三次 我頂唔順就由佢跟我去

佢主動提出AA制 例如佢出機票酒店 我出旅費
我覺得如果旅費要計得咁清楚 咁姐係我地未到好親密既階段
咁姐係金錢關係同性關係都唔應該有啦?

所以我話機票我俾曬(因為我已經買左自己個張)
咁叫佢book酒店(佢話佢朋友去過一間幾平既酒店)
機票同酒店差唔多錢 其餘洗費AA

廢事大家因為budget問題而嘈交 陣間又屈我港女我亦主動提出分床訓, 佢話ok (從未有性關係)



1) 一去到酒店 就發現係double 佢話自己唔識日文 可能book錯左
ok fine 唔通因為自己book錯左 要酒店換房俾我咩?
不過我覺得佢根本係特登

2) 第一晚就黎料 開始摸手摸腳
凌晨12點已經好攰好想訓 第二朝又要早起
最後要我發脾氣佢先肯收手



返左黎香港後 我提出分手
佢d男性朋友我都識 佢地問我做咩分手 我照直講 但男人全部都幫返曬男人
"男人既野 去得旅行 你又唔俾搞 好掃興wor" <--佢要搞我 咪又係掃我興?
"你唔俾搞 咪去之前俾signal佢" <--我已經提出分床, 唔通我事前要講"你唔好諗住同我扑野呀"咁?
點解港男會將迫女朋友上床呢件事合理化
我可唔可以調返轉講 "女人既野 去得旅行 你又唔出錢 好掃興wor"?
但我相信咁樣講完 只會俾人鬧港女


我唔明點解"去旅行=一定要俾你搞"?
第一 係你自己死要痴埋黎
第二 錢你唔願意俾埋我果份 又要俾你搞
你唔願付出 但又要收穫 你當女朋友係免費雞?


港男拍拖唔洗付出 只求收穫
女仔老奉要為男朋友付出
香港地做男人真好

衰在我蠢要去一次旅行先發現身邊果個係極品港男