事主剖白:
我純碎想發洩下我好嬲既情緒,同提醒下大家小心呢間IG shop,所以分享呢件事，但因為果位店主覆我既大部分都係錄音所以好難cap圖比大家睇。
話說我1月22號既時候向girls_stationn既店主頂佐一套衫同對鞋而且比埋錢。佢當時係ig post圖聲稱1月23號前入數，會係2月3號到貨，跟住過佐2月3號，我咪問佢到貨未囉。
點知佢竟然問翻我訂佐啲乜野，咁我咪答反佢囉。當時佢答我衫到左鞋未到，因為新年既關係，廠商放假未寄俾佢，我當時心諗唔係話2月3號會到貨嘅咩，不過都算啦， 我就等佢過完年，我果仲好有禮貌咁講 唔該曬 。
之後過完年，2月19號既時候， 佢無端端問我收到未？當時我都好疑惑，我就問翻佢乜野收到未？因為當初講明係想面交，而且我都無比地址佢，佢又點寄比我呢。到左果晚凌晨，佢都無覆我，我已經有d嬲，覺得點解呢個人成日都唔覆人，到底係咪做生意架，好擔心佢係呃錢，我咪再whatsapp佢囉。問佢到底有貨未，如果有既就約交收，再唔覆我就退錢，因為其實我係幫要去外國既家姐買既，而且佢唔係到第二日就凌晨先覆我，但其間佢係有online，而我打俾佢，佢都無聽過。當我一講完退錢，佢就即刻覆我，錄音話"之前又叫我寄比你"?用勁差既語氣，我既刻火都黎埋，話你有無寄，俾左貨客人未，你唔知既咩！佢就答我佢無聽錄音，但大前題係果時得佢一個有錄錄音。(滴汗)
我果時廢事再同佢理論就真接問佢幾時可以交收。佢話星期二可以交收問我得唔得，但係得件衫無鞋。我本來話6點半可以，之後佢就話星期日先可以答我，我就話不如我就佢，真心唔想拖，問佢係咪時間上佢有問題，如果係我遷就佢。其間3日無覆我，而果3日我有問過佢攞實物圖，因為怕佢到時約左我出黎無貨比我。而佢承諾星期日答我，佢都係無答。答左之後就話佢話係星期一答我。算！過左幾日佢既唔覆或者未有貨住，終於到3月，我問有未，佢終於答我有。我果下真係幾開心，因為佢好少可既會覆同終於有貨，而且難得咁終於約到個交收時間，但到交收果日佢都係要求要轉時間，因為公司突然要求佢即刻反工，咁最尾咪今晚交收既，心諗好啦件事終於完啦，可以攞貨lu~
點知戲玉黎啦！！就係交收前一個鐘度，佢whatsapp我，佢原本叫左佢朋友定唔知呀哥交收，佢又係突然話個人唔有野做然後佢叫個人將袋貨。心入面不停爆粗，點解呢個人可以做生意做到咁，好唔尊重我，重要態度非常惡劣咁話"你都係攞貨咋嘛"唉！
我講到呢度就完啦！希望大家小心啦，以下係間ig shop既資料同某d對話內容