本土民主前線梁天琦今日下午3時接受訪問時指，不擔心投票率偏低不利選情，呼籲選民踴躍投票，選一個最信任、最能代表自己的候選人。梁指最想有100%投票率，「因為投票係公民責任」，又指如投票率最終很低，「因為你哋做得差、或者因為無心水的候選人」，指至今對選情有信心。

問到表現最理想的對手是誰，梁天琦就指，表現最好是楊岳橋，「大律師喎，口才咁好，又有辯論技巧，所以佢表現係唔錯嘅」，但指政治理念、對香港的願景又是另一回事。問到兩人能否做朋友，楊則說：「選完先算啦」。
梁天琦認為今次投票結果，將反映哪條路是香港政治出路，指至今最難忘是上周擺街站時，與一個未想好決定投6還是7號的街坊「傾到大家都眼濕濕喺度喊」。至於9月會否再參選，梁天琦就指，今次已成功令更多港人明白本土主義，鼓動更多年輕人參與政治，九月要有新參選意義才會考慮出選。
對於旺角騷亂對選情的影響，梁天琦坦言對其選情有正面影響，反映本土派「知行合一」，「講得出、做得到」。問到會否擔心被指參與「暴動」被判刑，梁就指「我唔擔心，就算佢定罪我都會上訴」。
梁稱若當選，最希望是令高鐵立即停工止蝕，「因為根本起都唔應該起」。問到泛民應用何具體方法剎停高鐵撥款時，梁天琦多次均只說「唔好按個掣就算，要盡自己所能」，但未能說出具體做法。
梁天琦其後到粉嶺最大型屋邨華明邨宣傳拉票，黃毓民指梁是「最後生候選人」，又指民建聯是共產黨外圍組織，「投民建聯等同叫共產黨管治你！」期間有中年大叔投訴宣傳聲浪甚大，被黃反斥「阿叔返屋企瞓覺啦」亦有同場擺街站的楊岳橋女義工，聽到黃毓民叫口號「踢走民建聯」時，聞言亦笑住同喊口號，更說：「梗係要啦，同佢打氣呀！」又與黃毓民握手。
梁天琦嗌咪時，亦有中年女士聲稱同樣姓梁，並將環保袋內維他奶送他梁天琦，祝他身體健康。梁即說「要報選舉經費呀」，梁女士則回應「我都姓梁，係你家姐，唔洗申報！」
新界東補選候選人包括1號劉志成、2號黃成智、3號周浩鼎、4號梁思豪、5號方國珊、6號梁天琦及7號楊岳橋。











http://hk.apple.nextmedia.com/realtime/news/20160228/54808733