財政司司長曾俊華在《財算案》記者會斥旺角騷亂示威者並非真正本土，有破壞無建設，直接傷害香港。本土民主前線發言人衛碧君反指曾俊華扭曲本土價值，誤以為「唔講反對意見，唔製造混亂，就係對社會好」，而本土派旨在保護港人權益，「面對一啲人不停窒礙你咁做，作出合理還擊係十分正常」。

對於曾俊華質疑示威者「蒙住面點可以叫勇武」，衛碧君指Black Bloc是外國示威者自我保護的策略之一，「咩都唔戴就衝，呢啲叫蠢」。很多抗爭者加入本土或勇武行列，只因港人利益不斷被侵蝕，「香港庫房畀人打劫，市民尊嚴受到侵略，作為香港人嘅身份不被認同，解釋咗好多人點解唔認同以往十幾年嘅抗爭方法」。
曾俊華又在傳媒吹風會上指，旺角騷亂很多被捕者都是無業，但香港失業率低，接近全民就業，求職並不困難。衛碧君就認為，不能以被捕者是否無業去判斷其價值觀，「好多人有工作，但係大奸大惡，比無業嘅更差。如果話抗爭就係廢青、咩都唔做，又唔搵工，係好唔公平同唔負責任嘅評論」。






http://hk.apple.nextmedia.com/realtime/news/20160224/54795740