我同男朋友一齊左唔係好耐，今個情人節係我地第一個慶祝既節日，佢特登book左中環間高級餐廳食飯。見佢咁有誠意，我都開晒turbo，著得勁靚+化個靚妝出去。

咁去到啦，未食野已經俾個景吸引住，望住IFC同無敵夜景，勁正正子。開頭以為佢冇買花，點知原來佢叫左個侍應拎紮花出黎，親自送俾我，勁冧！之後成個情人節套餐都好好味，而且我男朋友仲幫我切牛扒同去龍蝦仔殼，好gentleman，加晒分！我冇諗到，連最後個mousse cake都勁好食，成晚都勁開心勁滿足。

本來。

後尾俾錢啦，咁佢俾都好應份啫，佢喺銀包拎左二千五出嚟俾個侍應。然後當找返錢嗰陣，佢拎啲紙幣，咁我都覺得合理既，但我冇諗過佢連幾蚊、五毫子都照拎，最後佢「好豪氣」咁俾左兩毫子tips。個waiter望住我，好似想講「你條仔咩事呀？」，我勁唔好意思囉，唔敢再望佢，然後急急腳走人。

事後我問返我男朋友：「點解嗰幾蚊都拎？」佢居然答我：「佢有收我10%做小費架嘛，我仲同佢客氣？」

我真係俾佢激死，而家好想好想同佢講分手。一個咁孤寒既男人，繼續做佢女朋友，一定好失禮同唔會有咩幸福可言。


睇見依家啲港女得啖笑
收皮啦