傳媒是第四權，理想崇高，但放回現實，到底是一盤生意，錢從何來，備受關注。由《端傳媒》到《香港01》，資金來源備受質疑，《香港01》總編輯龍景昌就不止一次強調，資本不應分顏色，又不認為長期坐陣採訪部的大老闆于品海，就新聞議題發表意見，是干預採訪部運作。「你估肥佬（壹傳媒創辦人黎智英）會唔會搵個做開《文匯報》嘅去做老總？肯定唔會，根本成個生意就係體現佢嘅價值觀，唔干預根本唔存在」。他認為外界不應以這個方式看新聞自由。

95年起擔任《明報周刊》總編輯，62歲的龍景昌，去年4月辭職，由零開始，建立他理想的新媒體。這個資深傳媒人，直言過去大半年，要放低固有思考模式，但最難的，卻是朋輩的壓力。「之前在facebook，放咗張新年賀咭，有人問點解係橙色，呢個顏色，係CY競選嘅顏色，我話橙色係CY，黃色係黃絲，綠色係民主黨，藍色就藍絲…仲有咩顏色可以用？」他一面無奈。
香港政治形勢複雜，媒體的資金來源，會否影響新聞取態，備受關注。首次利用眾籌成功集資475萬的通訊社《FactWire》，可以說是獨立第四權的理想投射。發起人吳曉東謂剛落實10人團隊，包括6名調查組及新聞組記者，並租下東九龍二千呎工廈作辦公室，計劃4月正式運作，「壓力係好大，出售新聞內容，要有傳媒機構願意買，先可以生存」。不受政治干預的運作模式，仍得取決市場，是成是敗，拭目以待。　
記者 呂麗嬋






http://hk.apple.nextmedia.com/realtime/news/20160221/54779690