新春檔期，旺角上演動作片。黑警揮棍追打示威者的畫面，見慣亦尋常。新奇的是，這次民眾不再用雨傘抵擋，改為主動還擊，埋身肉搏。本土民主前線的梁天琦初一晚落旺角撐小販、搞「選舉遊行」，卻錯過了最精彩的場口。



他在凌晨兩點幾被捕，直到初四早上上庭，前後被囚五十多小時，「一出番嚟，成個世界好似唔同咗。」他說水飯房的時鐘永遠指着兩點，令人不知今夕何夕。出來追看新聞，方知大鑊。

事後泛民、建制齊聲譴責暴力。但黑警跋扈，看見速龍落難而忍不住暗爽的好市民，實在欠「暴徒們」一個人情。包括梁天琦在內的六十四人被控以暴動罪，最高可囚十年。「其實預咗，但冇諗過咁快。從政的人都有類似的沙盤推演。冇嘅話，就唔好搞社運。」和平抗爭徒勞無功，抗爭者要麼承認失敗,要麼走向暴力，「魚蛋革命」僅是序幕，「如果政權執迷不悟，覺得今次的鎮壓力量未夠，下次再加大啲，循咁嘅脈絡，係一定有人會死。」槍聲已響起，但誰要犧牲？「邊個死都唔公平，咁就由我哋去死先。」




http://nextplus.nextmedia.com/news/latest/20160217/354568#