首先，關於范國威提出過嘅關於“港人優先”議案（http://www.legco.gov.hk/yr14-15/chinese/counmtg/motion/m_papers/cm20141203cb3-188-c.pdf）中，關於單程證審批權部分，絕對係一個退讓嘅方案，無異於袋住先嘅假普選。我已經喺此post #102 略作說明：
http://hkgalden.com/view/324662/page/last
當然，你可能覺得喺香港政府審批之前，畀唔畀大陸嘅偽共政權審批都無區別。最後篩剩嘅都係爛橙，一個都唔要，源頭無人。

但係，我想問各位一個數學問題，喺大陸鬼國入面，是否存在一個人。如果佢移民來香港嘅話，有利於低層真香港人向上流動，並提升普羅大眾嘅生活水準，發揚香港文化呢？

如果你覺得呢種人一個都唔存在，就無必要睇落去喇。
否則，容我先分享一位我嘅遠親嘅故事。

我有一位遠親，係廣東人，職業好似係耶撚，大概半世紀以前，喺廣東結婚生埋仔嘅佢拋低頭家落來香港，之後喺香港娶第二個老婆（當時可以一夫多妻架），有另一頭家。而佢喺大陸嘅仔好早（當然係八五年之後啦）就搞緊手續申請落來香港家庭團聚。而佢喺廣東都算半個專業人士，收入相對於當地人尚可，而且交唔少稅啦（當然未去到大陸土豪/貪官噉啦，否則申請投資移民濕濕碎）。結果，一直申請一直排隊，等到佢喺香港嘅老竇死咗都未批。後來佢覺得自己都就來退休喇，無機會喇，放棄吧啦。所以到而家都一直生活喺原來嗰度。
不過後來，我聽到一件事。就係有一位相關部門嘅人員近年搵過佢，問佢仲想唔想攞單程證。條件就係如果佢移民去咗香港嘅話，就必須放棄喺原來嘅城市嘅部分退休福利。佢當然就灑手夾擰頭啦。

各位巴絲明我想表達啲咩未。其實呢種個案極為普遍，其他申請成功/失敗嘅故仔我聽埋聽埋唔少。於是我對偽共政權關於家庭團聚單程證審批嘅準則有如下總結：
準則一：老弱病殘者，一定批；後生且有一定專業技能嘅，一定唔批。
準則二：好多人後生嗰陣一定唔批，等到佢老先批，如果符合相關政策放棄福利嘅話。
準則三：家庭背景係紅底嘅，盡量批；無咩關係，成分係群眾嘅，盡量唔批。崇尚自由價值、獨立思考嘅，必定唔批！
準則四：申請嘅對象如果係孤家寡人通常難批，而如果係一家人嘅話，通常只會一個一個批，等你地藤㨢瓜瓜㨢藤，並且“軟性”地鼓勵該新移民參加XX社團聯會活動，可以幫做你個細佬快啲落埋來架。

所以，如果你問我具體數字，雙重審批嘅情況下有幾多人會落來香港家庭團聚，我嘅最後答案，係零。
而其他途徑嘅移民，包括優才計劃，都掩藏住上述嘅四大準則嘅變通版本。

零咪好囉！所謂嘅本土派、廢青，係咪有請小鳳姐啦。睇埋我嘅分析先。
大家之所以反感新移民，係因為憎佢地搶資源，從床位、到奶粉、到學位、到公屋……從而窒礙咗申請呢啲資源嘅本地人嘅享用機會以及社會向上流動機會（我定義呢類人為“本地不滿者”）
但點解，世界各地都會吸納移民呢？好簡單：1+1>2
呢條公式嘅意思係，
如果新移民+本地民喺本地合作嘅話，
（1）創造出來嘅經濟價值大於各自喺原來地方創造出來嘅經濟利益嘅總和，且
（2）兩方面分配到嘅經濟利益都大於各自喺原來地方分配到嘅嗰份。

即係話，移民係一件好事，必須同時滿足以上兩個條件。
而而家香港發生嘅情況係：
條件（1）可能係事實，但代價係本土語言、文化、價值觀被破壞扭曲
條件（2）嘛，對於新移民可能係，但對於本地人就一定唔係。
即係話，雖然1+1>2（假設等於2.5），但分開來計，前一個係等於1.8，後一個係等於0.7，少咗呀
[阿媽係女人]
當新移民覺得自己得到嘅比移民之前少，就唔會移民，即潛在新移民係有用腳選擇嘅自由。但當本地民覺得自己得到嘅比人地移民之前少嗰陣，走得去邊？
所以呢類“本地不滿者”就反抗喇。
[/阿媽係女人]

以上內容嘅意義在於點出，而家嘅時代背景唔再係論述，而在於抗爭。論述嘅原則係尋找證據、潤色詞彙……
而抗爭嘅第一原則係：更多人企喺自己嗰邊。
但問題正正係，上述嘅“本地不滿者”就係得咁多，呢個就係所謂從支持泛民，過渡到激進民主派、黃絲、公民社會、以及所謂本土派嘅基本盤。喺未來亦只會被慢慢縮細、被取代（”鬼叫你唔嫁人、唔生仔、剩係識得養寵物咩？“）
而呢種政治力量，不僅喺政權更迭問題上，甚至連喺人口政策問題上，都不足以同對家偽共政權叫板。而要增大自己嘅政治力量滋養抗爭，就要發展更多立場相近嘅人。
而呢類人，我嘅推薦就係——
”異地不滿者“（定義）：能夠符合【如果佢移民來香港嘅話，有利於低層真香港人向上流動，並提升普羅大眾嘅生活水準，發揚香港文化】之條件，但因為現行不公制度所限無法成功申請移民香港嘅外地人（主要係大陸人）。
而呢類”異地不滿者“喺大陸裡面係極少數，但真香港人相對佢地來講就真係極少數喇！數據可以參考因聲援雨傘革命而被捕、被騷擾嘅大陸人絕對多於相同境遇嘅香港人，而且，呢個只係以政治立場作為量度（我承認部分大陸維權人士喺香港係無咩謀生能力嘅），但如果以生產能力量度呢？因為喺鬼國，成為高產人士嘅門檻比成為異見人士嘅門檻低好多，人數必定多好多，再加上認同真香港人嘅政治立場、價值等嘅篩選條件嘅話。呢種”異地不滿者“對現行嘅移民審批政策本身就會形成一個更大嘅力量。

如果要噉做，我嘅建議係應該將”源頭減人“修改成”源頭換人“（當然，由於本來嘅源頭廢物太多，換人實際上都係相當於減人），即廢除大陸當局嘅移民香港審批權，所有大陸人如果想移民香港就要網上申請再親自去真香港人設立喺廣州、上海、北京嘅辦事處見移民官。

當然你會反駁，如果將鬼國嘅所有”異地不滿者“都移民來香港嘅話，即使遣返晒原來嘅廢物，都係人滿為患，負荷唔到。
而我嘅意見係，一個女神開條件要大家群追佢係咪等於同所有追求者結婚洞房先？而家嘅主題已經唔係論述、唔係解決具體問題（因為政權不會絲毫退讓、政策不會絲毫修改），而係抗爭。而如果喺呢個抗爭點上訂立到吸引更多同路人裡應外合嘅綱領，就可能燒到其他抗爭點上，由點及面十面埋伏港共政權。到時候可能就有意想不到嘅驚喜。而驚喜過後，可能對於”異地不滿者“，移民動機已經唔存在呢。

下一節闡述所謂本土問題。

待續