銅鑼灣5子被失蹤，劇情發展越嚟越離奇，強力部門真係乜都講得出口。



5子失蹤關於中共禁書，當中包括習總嘅情史，估唔到情史當中嘅主角，亦都疑似被失蹤。

喺講習總情史嘅禁書當中，福建東南衛視制片兼主持夢雪就係其中一位。

有記者喺過去幾個星期試過搵夢雪，意外地發現佢疑似被失蹤，自從習總上台之後，幾乎已經冇晒關於佢嘅消息。

其實近期內地都有唔少有關夢雪嘅報導，喺習總當年出任福州市市委書記期間，夢雪正正就去到福建搵發展機會，不過，佢2個之後有咩故仔？到而家都係一個謎喇。

夢雪喺2012年仲係電視節目《相約東南》嘅主持，不過，去到11月已經換人，去到13年連個節目都冇埋，夢雪亦都冇再喺電視台個網站出現過喇。

12年11月有乜事發生？咪就係習總正式成為黨總書記同軍委主席囉。

http://nextplus.nextmedia.com/news/latest/20160120/338441