西區 CID小學雞

西區 CID第五隊警長，本月一號發出小學雞工作指示，要求隊員準時開工同一定要聽上級電話，五名隊員都乖乖地簽咗名。

警隊民望持續低企，港大最新民調顯示滿意度淨值只得兩成九，喺九個紀律部隊包尾。但原來警隊當中都有「優良」隊伍。咁值得表揚嘅，就係西區刑事調查隊（俗稱 CID）第五隊。一份相信係該隊警長今個月初發出嘅工作指示，充分顯示出佢哋幾咁「紀律嚴明」。

當中有九項指令，包括提醒隊員留意 OT時間同年假數字、離境要通知警長一聲，聽落都算合理嘅。但警長又提醒隊員準時開工，出去做乜都要通知佢，撞正佢放假就要 WhatsApp佢。仲有，收到警長或者案件主管嘅電話，一定要聽等等，管得好嚴咁款。

其實當得差都咁大個人，係咪要準時開工，都需要咁「溫馨」嘅提示呢？有警隊中人不敢苟同，批評呢份指示「好似小學生讀書咁款」。講真，警員要自律，應該係基本嘢，咁都要提醒，真係幾小學雞。

來源 source: http://hk.next.nextmedia.com
+++++++++++++++++++++++++++++++++++++++++++++++++++++++++++++++++
真係小學 到可能展x入去