梁智鴻上月初卸任香港大學校務委員會主席一職後，位置一直懸空，最初有傳689諗住過埋區議會選舉，先至委任史上最唔受港大師生校友歡迎嘅李國章接任主席，但拖到依家都未有聲氣。



臨近聖誕，公眾對時事敏感度比較鬆懈，有傳689想趁聖誕前夕公布委任李國章，搏大家出咗埠唔得閒抗爭。港大校友關注組發言人葉建源話，689本週二至四上京述職，可能想借呢個機會順手委任李國章，扮係得到阿爺首肯，呢份送俾港大嘅聖誕禮物都算係最無恥喇。



http://nextplus.nextmedia.com/news/spot/20151223/320561