| 發表文章 | 發起投票 |
舊校徽磁磚牆 英皇校友親手砌 特首母校 掛電視遮皇冠
舊校徽磁磚牆 英皇校友親手砌 特首母校 掛電視遮皇冠[/size=6][/b]
【明報專訊】特首梁振英母校、創立近百年嘅傳統名官立男校英皇書院，校內一道由校友籌款同親手砌嘅皇冠徽號磁磚牆，噚日畀校方用一部掛牆電視機遮住，結果鬧出風波，唔少學生同校友都唔明點解咁做，仲有人聯想到早排郵政署提出遮蓋郵筒上面嘅皇冠徽號?。
校長：皇冠仍然露咗一部分
Emily問過校長陳胡美好，係咪受政府指示去殖民化所以喺學校遮住皇冠，佢即刻話「冇咁嘅猜測」。咁點解加裝電視呢？校長話覺得咁做可以幫同學仔接觸更多資訊，有豐富學生學習嘅需要，「校內公眾地方掛電視好正常嘛？」
咁點解咁多度地方唔掛，係要揀皇冠位呢？校長解釋，由於英皇書院係法定古蹟，磁磚牆嘅隔籬係屬於古蹟嘅紅磚牆，唔可以喺紅磚上鑽洞，先至揀磁磚牆，仲話得到古蹟辦同建築署批准。至於點解喺正皇冠上面，校長話「安裝個位要高於學生視線」，而且「都仍然露咗一部分」，唔係全個皇冠都遮住㗎！
參選過石塘嘴區選嘅校友葉錦龍話，原來嘅校徽有明顯嘅皇冠圖案，但因回歸而除去校徽上嘅皇冠，一班認為皇冠係代表英皇歷史嘅師生校友，自掏腰包買磁磚，親手喺校內有蓋操場一幅牆上面砌出「KC」字樣同埋皇冠標記，一直相安無事。佢覺得鑽牆放電視機已經破壞校園完整。
另一校友社福界立法會議員張國柱話，磁磚牆上嘅皇冠係舊校徽嘅一部分，代表學校嘅歷史價值，唔應該有任何遮擋，用電視遮住係有問題。佢又質疑，「其他地方放電視唔得咩？唔鑽得都可以用吊架放落嚟，總有方法唔使遮嘅。」佢希望校方可以從善如流，最好就用另一種方法安置部電視，唔使遮住個皇冠！
同學仔﹕皇冠牆好有代表性
喺英皇讀緊中五嘅同學仔同Emily講，覺得好可惜，因為皇冠牆對英皇嚟講好有代表性，係學校不可或缺嘅一部分，校方用電視遮蓋皇冠圖案，學生好難唔聯想到有其他目的。佢又話，校方完全冇解釋過裝電視嘅原因，加上有蓋操場好多條柱，學生視線好易畀柱遮住，除非直望，如果斜斜地望都睇唔到電視。對於校長話電視係用嚟播活動資訊，同學就話好難理解點樣喺活動資訊裏面學新知識，「除非佢打算播ETV（教育電視）啦！」
http://m.mingpao.com/pns/dailynews/web_tc/article/20151223/s00002/1450806924666
【明報專訊】特首梁振英母校、創立近百年嘅傳統名官立男校英皇書院，校內一道由校友籌款同親手砌嘅皇冠徽號磁磚牆，噚日畀校方用一部掛牆電視機遮住，結果鬧出風波，唔少學生同校友都唔明點解咁做，仲有人聯想到早排郵政署提出遮蓋郵筒上面嘅皇冠徽號?。
校長：皇冠仍然露咗一部分
Emily問過校長陳胡美好，係咪受政府指示去殖民化所以喺學校遮住皇冠，佢即刻話「冇咁嘅猜測」。咁點解加裝電視呢？校長話覺得咁做可以幫同學仔接觸更多資訊，有豐富學生學習嘅需要，「校內公眾地方掛電視好正常嘛？」
咁點解咁多度地方唔掛，係要揀皇冠位呢？校長解釋，由於英皇書院係法定古蹟，磁磚牆嘅隔籬係屬於古蹟嘅紅磚牆，唔可以喺紅磚上鑽洞，先至揀磁磚牆，仲話得到古蹟辦同建築署批准。至於點解喺正皇冠上面，校長話「安裝個位要高於學生視線」，而且「都仍然露咗一部分」，唔係全個皇冠都遮住㗎！
參選過石塘嘴區選嘅校友葉錦龍話，原來嘅校徽有明顯嘅皇冠圖案，但因回歸而除去校徽上嘅皇冠，一班認為皇冠係代表英皇歷史嘅師生校友，自掏腰包買磁磚，親手喺校內有蓋操場一幅牆上面砌出「KC」字樣同埋皇冠標記，一直相安無事。佢覺得鑽牆放電視機已經破壞校園完整。
另一校友社福界立法會議員張國柱話，磁磚牆上嘅皇冠係舊校徽嘅一部分，代表學校嘅歷史價值，唔應該有任何遮擋，用電視遮住係有問題。佢又質疑，「其他地方放電視唔得咩？唔鑽得都可以用吊架放落嚟，總有方法唔使遮嘅。」佢希望校方可以從善如流，最好就用另一種方法安置部電視，唔使遮住個皇冠！
同學仔﹕皇冠牆好有代表性
喺英皇讀緊中五嘅同學仔同Emily講，覺得好可惜，因為皇冠牆對英皇嚟講好有代表性，係學校不可或缺嘅一部分，校方用電視遮蓋皇冠圖案，學生好難唔聯想到有其他目的。佢又話，校方完全冇解釋過裝電視嘅原因，加上有蓋操場好多條柱，學生視線好易畀柱遮住，除非直望，如果斜斜地望都睇唔到電視。對於校長話電視係用嚟播活動資訊，同學就話好難理解點樣喺活動資訊裏面學新知識，「除非佢打算播ETV（教育電視）啦！」
http://m.mingpao.com/pns/dailynews/web_tc/article/20151223/s00002/1450806924666
0
8本貼文共有 0 個回覆
此貼文已鎖，將不接受回覆
| 發表文章 | 發起投票 |