特首梁振英搓兩板咁叻大家一啲都唔意外，今日（12月19日）一早去完昂船洲污水處理廠舉行嘅「淨化海港計劃」第二期啟用儀式後，下晝就轉場去沙田為啱啱完成部份重建嘅香港體育學院主持峻工儀式。不過活動後有記者追問他會唔會去醫院，探望尋日喺八鄉錦上路車禍中肇事嘅傷者以及慰問死者家屬，但梁振英無有回應。



唔回應八鄉車禍嘅梁振英，除低西裝，走去同仁川亞運乒乓球混雙銀牌得主李皓晴切磋球技。梁振英先開波，一板板對搓，搓咗幾個回合，最後疑似太肉緊而打出界，無礙佢露出燦爛笑容。

今日梁振英由體阮校長李翠莎陪同下，參觀翻新後嘅體院，並與奧運銅牌得主女單車運動員李慧詩握手，二人曾短暫交談。佢喺致辭時重申政府著力推動體育發展，亦支持市民參與體育活動，2012年已撥款70億元成立精英運動員基金，鼓勵精英投身體育；本年度亦向體院撥款4億元。









http://nextplus.nextmedia.com/news/spot/20151219/319270