現年五十六歲的黃寶生，被控○五年在公屋寓所非禮十一歲女童罪成，入獄半年。事隔十年，在當年「案發現場」接受訪問，黃稱怕破壞現場證據，十年來不敢裝修，他亦急不及待展示累積十年的法庭文件及手寫筆記。字裡行間，充滿執着。

黃當年與妻離婚，週末返家探望十二歲女兒及兩名較年長兒子。受害人是女兒的十一歲朋友女童Y。「當時Y成日問我個女啲朋友借錢，嚟我哋度玩又問街坊借錢。街坊以為同我個女有關，影響鄰居關係。Y同我個女鬧交，恐嚇我個女話：『搵黑社會掟你落街』，阿女被佢嚇到喊。」黃憶述往事時相當激動。

他之後代女兒出面告誡Y，始終是小朋友，黃軟硬兼施，答應請Y食紅豆冰。○五年六月十九日早上，Y上門找女兒玩，其間自稱生日，向黃索取一百元，又要求黃兌現承諾請她吃紅豆冰，但遭拒絕，之後離去。



箍頸摸胸？

「當日乜事都冇發生！」黃強調。但同日下午，Y向社工指被黃非禮並報警，「佢話我當日十一點叫佢入房傾吓偈，推佢上床，箍佢條頸，隔住外衣摸佢胸兩分鐘。佢不斷掙扎，最終一腳踢開我，就逃出單位。」

案發時，前妻及兩名兒子均在家中。黃向記者怒稱：「我單位咁細，如果真係有用武力非禮佢，一定有聲，佢都會出聲（求救），屋企人一定聽到。」黃認為因他早前代女出面平息事件，又拒絕Y的要求，故被誣告。

令黃為之氣結的，還有警方的調查手法。警察恐嚇他認罪，「佢哋話前幾日有個唔認，被打到骨都斷咗幾條，一邊講一邊摸我個身。我話我冇做過，你打死我都唔會認。」他最終被判罪成，「當時我覺得個天好似冧咗落嚟。」



兩度輕生

風化罪成入獄，其他囚犯針對他，「啲大佬叫我去洗廁所、拖地、抹枱，乜都係我做，又郁手打我。」黃在獄中「食唔落、瞓唔飽」，更想自殺，但因「搵唔到工具」，未能成事。

他出獄後發現街坊均得悉事件，不敢回去探望家人。○七年，他到舊立法會大樓外靜坐兩個月但沒成果。「我覺得連累全家，自己同仔女都好冇面。」同年底他在九龍塘火車站跳軌圖自殺，但被救回。

經心理醫生安慰後，黃重新振作，去信各大政府部門及高官但也不果，上訴亦失敗。事隔十多年，黃仍不時氣上心頭，他透過不同人士協助索取法律意見，發現警方證據出錯，包括呈堂案發單位門口照片，並非案發單位。

黃認為，警方偽造多項證據令他入罪。但任職裝修散工多年的他沒錢請律師翻案，現正申請法援控告警方，但對獲批法援並不樂觀。除非有重要新證據出現，否則單憑警方出錯，黃難以翻案。







http://nextplus.nextmedia.com/news/latest/20151218/316461