穿越列車駕駛室 男子衝落康城站路軌



今晨港鐵康城站發生神秘男穿過駕駛室闖進路軌事件。「佢自己開埋駕駛室同埋緊急門走落路軌，跟住啲職員夾佢上嚟！」讀者梁先生，今晨近11時，往港鐵康城站搭乘列車，進入車廂後，在列車車頭位置，赫見一名神秘男子，突然自己打開駕駛室，並循緊急門跳落路軌，「有司機喺入面，都冇阻止佢」、「佢係自己開門跳咗落去！」

梁先生續稱，隔了一分鐘後，多名工程人員趕抵，「成班人走咗落去(路軌)，抬住四肢咁抬佢上嚟」、「佢冇晒知覺，冇反抗，被抬咗入房。」受事件影響，等了數分鐘後，列車才如常開出。

事後該名男子由到場救護員送往醫院檢驗，在上白車時，[#ff0011]他一度語無倫次[/#ff0011]。



港鐵發言人稱，今晨有車長在列車駕駛室發現緊急門的燈號亮起，於是通知車務控制中心，職員遂暫停有關列車埋站，並將闖進路軌的男子帶返安全位置，列車服務至15分鐘後回復正常。

【14:45 更新】涉案男子姓陸，27歲，警方經調查後，將案列作傻人發現。


http://hk.apple.nextmedia.com/realtime/breaking/20151217/54546056