本周三立法會因人數不足流會，建制派議員不在席的數目比泛民更多，更被指有「放水」之嫌。建制派「班長」、民建聯立法會議員葉國謙今日明言，個人不覺得建制派要就防範立法會出現流會「揹飛」，亦明言不覺得建制派要「編更」防止流會。葉國謙指，過去「編更」，是因為過去建制派應付的是拉布，今次卻是流會，兩者是「兩回事」。

他指議會若要玩「流會」，可以整年不開會，「(人數上)我哋完全有能力使到你流會，你泛民無能力搞到流會，我可以搞到流會喎」。他強調：「拉布仲可以接受，你搞流會，我點可以接受？我仲要搞到去編更幫你頂流會？老實講，我使乜開會同你癲啫？即係直情係低智嘅，咁樣去按掣(點人數)，真係火都嚟。」

被問到政府會否擔心一旦流會，草案審議將要再押後，葉國謙說：「驚乜嘢啫？呢條(網絡23條)條例死唔到人架，財政預算案就死到人」。他指即使不能通過條例，政府亦「唔使驚」，「政府唔會驚，最多唔做，財委會就不同，因為預算案唔批，成個香港會冧，公務員不能出糧，係兩回事」。不過，葉國謙其後補充，指若有其他建制派要求編更，他其實可以考慮編。

對於蘇錦樑曾否要求民建聯協助通過草案，葉國謙指局長一定要推行政策，今次是蘇錦樑負責推動，「但做唔做得到，當然就另一回事」，指民建聯會支持草案，不會受到威脅支持泛民修訂，但認為「過唔到咁又點啫？」，又指若自由黨最終投票反對，他亦覺得問題不大，因為今次條例與預算案不同。






http://hk.apple.nextmedia.com/realtime/news/20151211/54527097