立法會最快下周三（9日）恢復二讀辯論被稱為「網絡23條」的《2014年版權（修訂）條例草案》，支持草案的香港版權大聯盟周五晚上載一幅圖解，指多年來的網上侵權，令港產片本地票房20年間大跌近70%，並附有經常被網民引用的影星成龍「搔頭」舉止的卡通版插圖，惟有網民留言嘲諷：「其實你個所謂『版權大聯盟』知唔知道，如果『網絡廿三條』通過咗之後，你呢幅圖都係犯法㗎？」留言引來逾700個讚好，多於原圖10倍。

亦有不少網民留言直斥港產片票房大減，是因質素低落，鮮有叫好叫座的電影，「你拍啲X屎戲搵X同你睇？BT都嫌晒位啦，《激戰》咪又係收咗幾千萬，檢討吓啦X你老母，一味喺到賴屎賴尿，就算要侵都唔X侵你權啦垃X圾」、「港中合拍垃圾片，兼無創意為了不政治及得罪大陸好多主題唔敢拍，才會搞到今日地步，如果網絡23條為了你們這班無創意維護自己老屎忽利益的話，咁香港人會放棄你們，繼續看外國電影，個電影市場係你這班貪欲的電影人自己整死自己，唔好吓吓屈盜版問題」。

根據香港影業協會，今年上半年的中西票房總收入為港幣$984,892,664，與去年同期收入港幣$856,351,545比較，上升幅度達
15.01%，顯示本港電影消費持續上升。而去年全年10大電影票房方面，只有1套港產片《金雞SSS》，以41,277,620票房位列第6位外，其餘電影均為外語片，而排名第10的《賭城風雲》則是中港合拍片。

【網民點睇】
Chan Wai Chun：你哋自己要所謂北望神州，將啲片拍到鬼五馬六垃垃圾圾，自己不思進取係咁翻炒廿幾年前條橋，仲好意思賴觀眾唔入場畀錢你？就係你班垃圾，我呢十年都冇入場施捨畀你班大種乞丐

Po Wu：喺呢個資訊爆炸的年代，要人花錢花時間揀中你部戲睇當然係難過以前，當內容唔吸引，你送飛，啲人都覺得睇嚟浪費時間啦

Ming Fai Dennis Lai：蘋果網站賣歌成行成市時，香港唱片公司也不去同人合作賣歌，現在死到直一直才搞，算吧啦

KH Cheng：二次創作唔係想取代原作者作品，係將作品發揚光大，你睇吓日本就係因為有同人，所以動漫業先會咁強大

Thomas Ho：一向都有民事告侵權嘅做法，無端端變刑事，仲要繞過版權持有人，根本就同保護版權持有人利益無關。扼殺香港創意、文化、訊息傳播之餘，亦只會成為政治打壓嘅工具








http://hk.apple.nextmedia.com/realtime/news/20151205/54504343