立法會今日辯論由民建聯陳克勤提出「發展經濟，改善民生」的議案，工聯會王國興表明支持陳克勤議案，但同時又批評陳克勤「無真正揭露矛盾所在」，認為真正矛盾在於「反對派」要推倒政府，質疑陳克勤為通過動議「迴避咗呢個焦點」，他又批評議員經常拉布，浪費公帑。

面對王國興批評，民建聯未見有人為陳克勤反駁，反而社民連長毛發言時質疑「王國興有乜資格教訓陳克勤？」梁國雄批評王國興區選時，連接受訪問也不敢，現時選後即說出「共產黨都唔敢講的嘢，將個社會矛盾越拉越大」，直指王國興「真係好賤」。

其後立法會就陳克勤動議表決時，長毛即要求「等埋王國興」，要求響鐘5分鐘，召喚議員返回議事廳投票，指「我認為我要等埋佢，佢話議員浪費時間，其實係佢自己食屎再話個屎坑臭，我要求你(曾鈺成)主持公道，畀5分鐘佢返來投票」。

可惜5分鐘後王國興仍是未見返回議事廳，令陳克勤的動議因地方直選組別欠一票之差，最終未獲通過。人民力量陳偉業會後則笑說，「所以長毛叫王國興返來係啱嘅！」





http://hk.apple.nextmedia.com/realtime/news/20151126/54471748