民建聯悍將、立法會議員鍾樹根落選區議會，失守老巢漁灣，消息相當令人興奮，一力拔「根」的徐子見，當選後接受《蘋果》訪問時說：「贏咗鍾樹根係開心嘅事，但都係平常心去睇」。

現年48歲的徐子見，是在提名期最後一日才趕上「尾班車」報名，挑戰原本可自動當選的鍾樹根，由報名至投票日，僅以六星期便把一名政壇老將「連根拔起」，令不少人驚奇。徐子見表示，一直沒有預期會勝出，但在競選期間，感到漁灣居民求變心切，「好多人想俾機會一個新嘅人去試吓。」本屆區選投票率破紀錄，有分析指或與傘運效應有關，徐子見說：「在漁灣區，我覺得所謂雨傘運動、傘運效應係零，完全無呢樣嘢，呢個區比較老舊，居民係想議員服務社區，唔係講咁多政治。」

面對強勁對手，徐子見說競選期間面對的抹黑令他感受最深，他原本經營「一小盤貿易生意」，當選後會履行承諾做全職區議員，「屋企人最初以為我黐線，不過現在都好支持我。」對於未來工作，他說最想在區內辦義務補習，「我覺得教育最重要，區內根多小朋友需要補習，不過限於屋企資源，未必有機會，我想幫到佢哋。」





http://hk.apple.nextmedia.com/dc2015/news/all/54458634