今年區議會選舉好似特別熱鬧，因為有好多新面孔。而一向行為激進聲大大嘅熱血公民，就派咗六個人出選。《壹》仔近日睇佢哋fb，當堂嚇咗一跳，佢哋為咗順順利利，話事人黃洋達，率領班候選人去古廟拜神，成個造型好似電影「黑社會」拜關公一樣。



咁重江湖味，跟住就有人喺社交群組，瘋傳一張案件文件嘅相片，話熱血其中一個參選人蔡文龍，曾經喺08年犯過自稱三合會成員罪行，12年又犯過藏有攻擊性武器添，而個被告咁啱都係叫蔡文龍。《壹》仔上星期去咗香港仔，直接查問佢呢單嘢堅定流，蔡文龍就澄清話犯事嘅人唔係佢。佢都曾經查過黃頁，全香港有五十幾個蔡文龍，同名同姓唔出奇，又話自己只係十幾年前犯過一次法，就係不小心過馬路，之後就一直都奉公守法啦。



同選區仲有：民建聯彭永基、民主黨羅健熙同獨立候選人鄧嘉樂。








http://nextplus.nextmedia.com/news/latest/20151113/298035