睇到有報導指禁制令都未送到，商台就自行快快把錄音下架，他們巧京京是常識吧！又忍唔住寫兩句。當年仲做緊「摩星嶺四號」，大家仲記唔記得我因講了句「教宗一條陰毛」，被廣管局出信警告我！其實背後還有個小故事，話說商台正式收到信果日，巧合是陳大師上班那天！過了幾天到商台錄音，當然被高層照肺，大家就爭拗了一場，原來廣管局有抗辯條款，可以提出理據上訴！我堅持上訴，我認為內容不違反廣管條例，而且警告信稱我侮辱天主教，我表示可親自找教區神父提理據，點知商台不准我抗辯及不准我上訴，並告知商台已決定「認罪」！大家大鬧了一場！事後我自行同廣管局傾，一星期後我被商台更高層再照肺，話我咁做影響商台同政府關係之類！唔准我再向廣管局投訴！真係嬲到我……於是我同廣管局講，今日開始我用獨立主持人身份同你地傾，信件直接寄比我！當局話我是史上第一個傳媒人這樣做！……商台要堅守新聞信息自由，其實要佢地唔怕事先啦！







https://www.facebook.com/CHANWANHOI/posts/990203434355124