【馬騮霸球場】【蘋民直擊】50馬騮佔領球場 猴王領軍鬥阿Sir
1026 16:46

慈雲山今早發生罕見馬騮群體霸佔球場事件。今早11時許，讀者李先生（28歲）與家人前往慈雲山道慈雲閣拜祭，上山途中看到許多馬騮，拜祭期間更遭馬騮偷走食物祭品，「我哋帶咗啲生果，擺喺土地公嗰邊裝香，轉個頭已經俾啲馬騮搶晒。」離開經過慈雲山中華基督教會基慈小學相鄰的公眾籃球場，有最少40至50隻馬騮「佔領」球場，「佢哋攞啲祭品出嚟，佢哋爬嚟爬去，喺度玩、破壞，球場上保護籃板海錦都搣爛晒，拎出嚟玩，直情霸咗嗰場，佢哋主場咁啊！」

他指情況誇張，有小學生原本要步出學校課室，立即有教師阻止，叫他們回課室，以防學生受傷，「之後有兩、三個警察揮舞警棍，驅趕佢哋離開球場，但都係走去山坡匿埋」。他指平日只會看見5、6隻馬騮，估計因為重陽期間，有不少墳場有不少祭品，引來馬騮聚集。

漁護署隨後接報到場，在籃球場設置陷阱，成功捕獲一隻馬騮，其他馬騮見狀散去，惟一隻較大的「猴王」在遭捕獲的馬騮身邊徘徊一會後，無能為力，最終於下午1時許全部離去。
http://hk.apple.nextmedia.com/realtime/breaking/20151026/54355329