話說壹仔十月頭先見到呢個德國daddy拖住三個小朋友喺尖沙嘴行乞，三個野孩子赤腳喺條街食pizza，睇落咁慘，壹仔見到不少市民都肯捐錢俾佢哋，當時德國daddy同壹仔講，佢哋過多一個星期就會離開香港。 點知一家四口依然住喺香港，今次仲大鬧深水埗㖭！深水埗是十八區最貧窮的地區，圍觀食花生嘅人就多喇，真係肯捐錢人數不多，街坊都話：「外國小朋友好少乞食。」。但今次德國男童就發晒脾氣，話說有途人舉機影佢哋，男童好嬲追住途人黎打，佢仲發脾氣推跌垃圾桶，垃圾跌到成地都係，男童喺街上大吵大鬧，有個著住校服嘅女同學忍唔住勸男童，但德國daddy竟然若無其事，居然仲有心情自彈自唱行乞，最後要警察到場了解情況。壹仔唔知講咩好，只係覺得三個小童好慘，淪落成為乞兒仔，阿爸更不知所謂，乜都唔理又唔教小朋友，係咪至少都要教小朋友，暴力解決唔到問題喎！





http://nextplus.nextmedia.com/news/latest/20151024/286632