多謝，多謝晒
我係中意打沉大家振興膠登既鬥志，留番啖氣暖肚啦
一則人事，一則制度
人事無可能改，制度亦自作主張不廣言路
大家繼續只係晒時間，鐵打將軍流水兵，依度就鐵打既forum流水既user，好快又恢復原狀

再搞就應該開啲中央集思會，或者成立啲小組打好根基，小圏子又好時事組又好
時事台多人，咪將網站首頁改到拎各大新聞網既RSS囉，搞下香港時事維基囉

無立國之本，我地只係孤臣孽子，何以立？
好似蜀，都以復漢為舉國之志，先揾到佢存在既合法性，吳國，亦有保民爭戰天下之心
膠登呢？由佢自生自滅？繼續改版面？

三蝦係麻煩，係低質會員，拖低晒成個forum水準就係人都知，唔使重覆喇
大家諗下，諗完留低個負評，咁我依個膠登公敵就好滿足架喇

出過posy既兄弟，多謝你地為膠登付出，但依度唔值得你地咁做，sorry to say that