相信唔少網友都見識過強國遊客嘅威力，估唔到今次佢哋竟然玩「文革復辟」。

今日（10月12日）陶傑喺自己facebook專頁po咗一張聲稱星期六（10日）喺九龍灣國際展貿中心影到嘅相，裡面見到一班強國中坑大媽，個個一身灰色紅衛兵服裝，由旅遊巴落車，陶傑仲問「唔知幾時到東京倫敦紐約？」

網民見到香港出現咁嘅景像，都覺得強國人越嚟越放肆，留言怒插，「曾幾何時，呢一套服裝係同納粹德國嘅制服一樣咁臭名昭彰、惡名遠播。呢個景象，呢班人喺香港六七暴動都未有咁明目張膽，而家佢哋已公開咁大無私樣出現，所以唔好同我講文化大革命冇回潮。」「 外國人可能只覺得係中華文化其中一種。只有香港人明白個中恐懼。」

小說家喬靖夫亦都喺facebook話：「一場發生在中國近代最浩大、恐怖和泯滅人性的人禍，全民卻從未深切反省懺悔，甚至不少當年人竟仍毫無羞恥地眷戀那個時代。今日中國社會，道德淪喪，豈是巧合？」

好玩唔玩，走去玩呢啲，就唔好怪人哋唔包容你哋啦。











http://nextplus.nextmedia.com/news/spot/20151012/279224