「好事不出門，醜事傳千里」係香港人嘅核心價值，自己做得幾好，都抵唔上宣揚對家醜聞具破壞力。

　　首先，大家要面對一個現實－網絡狙擊建制派效果已經唔大。因為後生嘅都知建制派啲衰嘢，唔使多講；而師奶阿叔老人家本身唔識上網，識嘅都未必留意時事或黃絲網。所以，我哋而家最重要係將訊息播放到現實，而唔係浸醉於網上恥笑同拗LIKE。（當然呢個教學都要大家傳揚開去）

素材：（或直接下載範例）

http://www.sendspace.com/filegroup/4pT4VO0YV4YadO9HpbjYlA

方法一：貼街招

優點：避免藍絲騷擾。
時間：上班日前一個公眾假期晚上（畀上班族睇）；或任何晚上（畀師奶睇）
地點：當眼位，如巴士站、行人隧道、幼稚園附近、公園、電話亭、街市附近，或者同官方公告貼埋一齊，魚目混珠。避免貼喺啲管理權清晰、多人巡邏嘅位置。
風險／缺點：路人係唔會理你貼乜，只需要小心保安同紀律部隊，捉到罰款好金。
工具：大型白膠漿，$15~$20左右一枝，繞著邊位擠，費時較長，但消耗慢；或 3M噴膠，鴨寮街$6X枝，費時較短，但消耗快。兩者皆在五金舖有售。怕被撕可補上膠紙。

方法二：入信箱

優點：覆蓋率高且減少重疊機會。
時間：任何。
地點：大廈信箱、獨立屋外信箱。
風險／缺點：小心畀看更趕，揀啲保安無咁嚴密嘅大廈為佳。紙張消耗量亦相當高。
提示：黑白雙面列印，對摺塞入去。

方法三：派傳單

優點：覆蓋率高且行動自由。
時間：日間，行人多啲，安全啲。
地點：目標群眾多流連之地，如公園、街市附近等。
風險／缺點：有機會畀藍絲騷擾，所以第一要戴口罩，第二要有伴，第三離開時要留意有無畀人跟蹤。如果需要經常露面，例如組織發言人、意慾競選議員嘅人士，唔好親自落場，以免惹人非議。

請十八區義士凶群而出，喺選舉期間瘋狂狙擊。試諗下，班建制狗日日都要派人去睇下有無畀人貼街招，仲邊有心力同資源選舉？全體黃絲都一齊做既話，威力何等巨大！絕對係低成本、高效益嘅戰術！
歡迎上載圖片至此振奮軍心，但不要指明喺邊度見到，以免被撕。










https://www.facebook.com/lamtinyat/posts/910669858987578