http://nextplus.nextmedia.com/news/latest/20151001/272615

揸車出街，司機最怕遇到嘅事件之一，相信非途人唔睇燈號、亂過馬路莫屬；如果俾著你揸車遇到呢個情況，又會點做呢？



尋日（9月30日），有網民喺「小心駕駛(討論別人駕駛態度)」facebook群組度po咗條「車cam」片，留言話「大陸佬，撞你唔死係我好彩，我停得切係你大命！你俾我落車指住個鼻嚟鬧你都係應得嘅！你仲夠膽同我講話見到綠燈先行？驗眼之餘驗下（吓）腦啦！」

睇番條片，司機揸車行經尖沙咀彌敦道，去到海防道交界個燈位時，明明行車係綠燈，但仍然有幾個人無視行人嘅紅色燈號，繼續過馬路；有另一個疑似內地遊客仲過份，司機已經響晒按，佢就唔理繼續過，究竟司機要緊急煞車！

跟住司機忍唔住落車狂鬧，「識唔識睇燈呀？吓！紅燈過馬路架咩？同你講嘢呀！我煞唔切你死撚咗喇！識唔識聽呀！」唔少網友睇完呢條片，都紛紛留言大讚呢位司機「鬧得好」！