眾所周知，我哋香港人嘅港鐵，連大型樂器都唔俾乘客帶上車，係要搞到神憎鬼厭，港鐵先肯「跪低」、聲稱話會檢討現行政策；相比一岸之隔嘅台灣，成架綿羊仔都可以搬上巴士呀！



事緣係咁嘅，強颱風「杜鵑」襲台灣，風力唔講得笑相信大家都知，喺咁嘅情況下，揸住架綿羊仔喺馬路度行駛，真係俾強風吹到左搖右擺都唔奇，好鬼危險；呢個時候，有巴士司機喺路上就見到一架「風雨飄搖」嘅綿羊仔，二話不說就俾佢「連人帶車」搭巴士。

目擊事件嘅巴士乘客，就拍低咗呢個「綿羊仔搭巴士」嘅經典一刻，將片段po上「爆料公社」facebook群組，仲寫咗一大段文字讚揚巴士司機，「嗯，他是278路線公車的司機『徐智恩』，真的讓人相當感動，為何會讓機車坐上公車呢，是因為剛好行駛在民權大橋上，眼見機車搖搖晃晃快倒了很危險，司機大哥馬上停車說『我們救一下他』，隨後就把後門一開利用給輪椅上車的鐵板讓機車跟騎士一起上車，真的第一次看到公車載機車的還發生在颱風天，而且司機大哥沿路看到有路樹倒塌擋路還馬上衝下車搬開，真的超棒的還一邊安撫乘客風大車在搖晃沒關係屬於正常情形，我們慢慢開，颱風天真的讓人看到這社會處處有溫情……真的應該表揚他一下！！！」

睇完呢條片，《壹》仔就喺度諗，如果港鐵遇到呢啲情況會點呢？唔係話要俾綿羊仔入閘，而係港鐵究竟有冇體諒市民難處嘅心態呢？













http://nextplus.nextmedia.com/news/latest/20150928/270949