今日（9月28日），除咗係雨傘革命一周年外，仲係跑馬日。第9場四連環派彩為「4、6、8、9」，有網民就話令人聯想起1989年的六四事件，仲話「天有眼」所以先得出呢個結果。



而再多一層聯想嘅話，相信唔使《壹》仔，大家都知「689」係邊個嘅代號啦，前面加個「4」字，嘩，真係大逆不道呀！仲記唔記得之前嘅「D7689」事件呀？不過，大台雖然出名鍾意維穩，但仍然冇有怕，照報呢個賽馬結果出嚟，唔驚阿爺嬲嬲豬咩？

據《壹》仔所知，廣東省係可以睇到大台節目嘅，但會Block晒所有敏感新聞同節目內容等，咁唔知廣電局有無Block到呢堆咁「敏感」嘅數字呢？













http://nextplus.nextmedia.com/news/latest/20150928/270807