近日，港鐵不斷狙擊攜帶樂器、想搭港鐵嘅香港人，結果惹嚟民意反彈，港鐵可能見眾怒難犯，日前終於宣佈會檢討個行李指引喎。



不過喺呢個時候，「政府新聞網」今日（9月27日）出咗個post，原本係諗住宣揚吓非洲鼓嘅，點知就唔識死、寸埋港鐵一份，「呢期大提琴同古箏都好hit 咁噃，但小編就睇好可以打破隔膜、鼓動深情嘅非洲鼓嘞。話時話，拎住非洲鼓去老人院表演，搭乜嘢車好呢？」

所謂人貴自知，但政府新聞網似乎就冇呢方面嘅智慧喇，結果呢個post就俾網民留言狂插，「係囉，呀港鐵大股東，拎住樂器搭咩車好呢可？」、「無質素既（嘅）自抽。Btw 小編出feed係咪唔洗（使）approval」、「你大股東泥（嚟）架 藉搞樂手過橋，然後港鐵扮晒順應民意檢討行李尺寸，實際全線放生走私賊」、「政府新聞處嘅PR咁垃圾，管理層應該好好反思吓，點解會成日被人唾罵」、「你隻寫手咁樣串鳩老細，果（嗰）幾皮野（嘢）糧好易無得出架」、「你食撚喇，你係最大股東但係（喺）度置身事外懶係好笑講風涼話，撘（搭）乜？擺你入去四塊半你都搭唔到地鐵呀」！











[urlhttp://nextplus.nextmedia.com/news/latest/20150927/270169][/url]