近日有空姐同《壹》仔講，話港龍航空內部收到一張空姐相片，當然唔係好事喇。相中人幾靚女兼著住制服，喺機艙座位上戙起隻腳，黑絲長腿任睇，令麻甩佬好有暇想。個空姐仲話，呢件事一定有手尾跟，事關航空公司對空姐一向管得好嚴，食香口膠都話唔得，更何況影埋啲咁誘惑嘅相，所以好多人都覺得相中人今次多數俾人炒魷魚。《壹》仔聽到都好唔開心，好同情呢個細路女，佢都係一時貪玩啫，罪不致死呀。



國泰空中服務員工會主席黎玉嬋就認為，只要著咗套制服，就要保持空姐嘅良好形象。佢覺得個空姐可能只係貪玩，但唔好彩惹上麻煩。佢呼籲空姐同事要小心保管私人相片，盡量唔好放上社交平台，因為人人都攞到，有可能俾人攞嚟報仇用。











http://nextplus.nextmedia.com/news/latest/20150922/266356