出街偷雞泊車最怕梗係俾人抄牌喇，一張牛肉乾盛惠320蚊，荷包已經赤赤痛，唔知一次過收13張，又係咩滋味呢，諗吓都覺得荷包光速「乾硬化」！

前日（9月17日），有個車主喺「小心駕駛（討論別人駕駛態度）」嘅Facebook群組上載被警察連抄13張牛肉乾嘅「戰績」，仲話「再一次破紀錄」。

就咁睇張相，車前水撥夾住一大叠牛肉乾，至少由本月11號就已經違例泊車，最面嗰張寫住9月16日。事緣車主出咗境，一直泊咗喺街，結果一口氣望到13張，真係好誇張。

唔少網民話分分拖車仲平過找牛肉乾數，仲勁過古時十二道金牌急召岳飛咁話喎。有人就話13張夠玩啤牌，麻雀又得啫；咁堅，星爺5條煙都唔夠佢嚟喇！
















http://nextplus.nextmedia.com/news/latest/20150919/265132