昨日，一名女學生帶著古箏被大圍站職員阻止前行，大批網民批港鐵員工做法「雙重標準」。Facebook群組「馬鞍山人，馬鞍山事」發起「港鐵超合作運動」鼓勵市民向港鐵職員舉報所有體積超標的大型行李，並列出東鐵綫沿綫電話，協助港鐵執法。港鐵官方Facebook專頁昨晚開始遭網民洗版批評。




港鐵Facebook專頁今日上載了一張相片，並以「沙中綫南北走廊嘅第一列新車喺尋晚由韓國到左香港喇！第一批總共有9卡車送到，工程人員喺青衣貨櫃碼頭小心翼翼咁將新車運上岸。之後一兩日，新車會運去火炭既何東樓車廠進行一系列嘅測試。」為主題大量網民即留言反擊。




有網民批評相片內容，指：「古箏係中國樂器, 你唔俾古箏入即係睇唔起中國人, 傷害中國人情感, 製造中港矛盾, 歧視中國人, 歧視中國文化! 你買幾多部國產車都冇用啦!」本台主持陳四亦有留言：「有新車又點?咪又係俾人走私」。




有網民又批評鐵員工做法「雙重標準」，指：「唔該俾香港人一個解釋，點解要選擇性執法！！！！」、「用港鐵走私唔捉，用港鐵運洗衣機唔捉，捉個帶古箏既學生。事實證明港鐵高中低層都係人渣。」、「請港鐵公司不要雙重標準！！亞運金牌桌球棍收警告信，學生正經學習嘅古箏又圍人地，人地小妹妹嚟架～～洗衣機同一箱箱水貨喼就俾人上～點解？俾個答覆我～」。




有網民指:「日本有女性專用車廂⋯⋯你哋不如考慮出水客專用列車呀，諗得過喎，連關愛座都慳返」。




有網民指港鐵Facebook刪除網民留言，指：「個PR究竟係咪博比全香港圍插 咁大間公司唔回應仲要走去block人ac del人comment咁小家，呢d PR真係世界級垃圾LOL」、「為一個上市機構，是否應該增加透明度？點解市民的留言要delete?」、「地鐵不時delete 留言，上次未雪事件己經常咁做」。















http://www.passiontimes.hk/article/09-16-2015/25687