香港地，想搵兩啖飯食都唔係易事。尤其年紀大，想自力更新，似乎難上加難。日前喺Facebook上，一名叫「Artemis Pang」嘅網友，分享咗係彩虹地鐵站附近巴士站對開，有一位老伯伯夜媽媽擺檔賣糖水，點知被警察罰款$6000；伯伯正打算寫信俾法官求情，希望可以分期6個月還款，攤開還無咁吃力。

老伯不時會喺彩虹打躉，推住鐵車，擺檔賣自家煲嘅紅綠豆沙、西米露同蕃薯糖水等，一碗12蚊。上月底糖水老伯被2名警察驅趕，更因收拾得慢而遭其中1人薄責，最後老伯被票控罰款6000元。事隔半個月，老伯先再次擺檔。

唔少網民見到糖水老伯嘅事都為老伯不值，指執法者只向弱勢拋石頭、雖然糖水老伯屬非法小販，但同樣係犯法，執法者又唔會向中上環泊到滿嘅「老細車」派牛肉乾云云。

分享糖水老伯一事嘅網友希望，大家如果行經附近，都可以幫襯吓，等伯伯早啲番去休息。
















http://nextplus.nextmedia.com/news/latest/20150915/262618