睇到男神黃子華為，惜食堂拍果段片，當然好感動。片段中月嬋婆婆當然好慘，七十幾歲獨居住天台屋，間屋豆潤咁細仲要冇廁所，仲話大小二便同沖涼都在屋內鋪報紙進行。睇到呢度，我覺得佢唔只係需要一餐免費晚飯，介入方案１２３４５稍後提供。

Anyway，咁片段之後就去左深水埗惜食堂飯堂同廚房工場，當時係約4PM，目測飯堂有120個座位。飯堂位置：九龍海壇街235號豐盛大廈3樓，果度2樓A係Office，地下就係廚房。

好喇！跟住子華就介紹惜食堂既財政狀況：廚房收到既資金只可以維持年幾。最需要就係普通市民自發既固定捐款，而呢方面佢地係得好少好少……

咁好明顯條片既主要目的係想推廣固定捐款計畫啦。

好！咁有意義既服務，當然想立即按佢條LINK月捐畀佢啦，順便再睇下佢點營運呢。
做個精明捐款者，當然了解個機構既架構同運作啦。

「惜食堂」係小寶慈善基金既服務，而年報顯示小寶慈善基金只係做「惜食堂」相關既慈善服務。

創辦人係董愛麗女士，Sorry唔識。上網查：佢係董偉個女，Sorry唔識邊個係董偉。上網查：董偉係世界中華寧波總商會副會長，蘋果日報資料話佢係股壇教父：

董偉簡介

．眾利股票主席
．1944年開始涉足股壇，在股海打滾逾60年
．香港證券經紀業協會創會會長
．因為在證券經紀業服務的貢獻，獲頒紫荊勳章
．是邵逸夫及包玉剛等上海富豪的御用經紀
．曾在交易所接待英國官員、皇室成員、國務院總理溫家寶、副總理李克強和人大前委員長吳邦國

名譽主席梁錦松先生，咦！有Ｄ野喎。

董事會成員：
姚凱勤先生，Sorry唔識。上網查：佢係中信資本副總裁
梁偉文先生，Sorry唔識。上網查：佢係瑞士寶盛銀行北亞區首席執行官



再睇下年報，睇下佢財政狀況係咪咁窮呀？
http://www.bofoundation.org.hk/…/p…/2013-14_AnnualReport.pdf
網頁update 年報至31/3/2014，當時已經有兩個廚房，同生產緊6000個飯盒。

總收入1千7百幾萬
總支出1千萬左右
該年盈餘7百幾萬

噢! 呢條數係上年嘛，今年可能唔同左呢？再上網搵到2條料：

2014年3月25日
馬會捐助「惜食堂」擴展熱食服務
http://www.hkjc.com/chinese/corporate/racing_news_item.asp…
為提供更多營養豐富的食物予基層市民，香港賽馬會慈善信託基金撥捐一千八百五十五萬港元予「小寶慈善基金」，支持「惜食堂」在西九龍和新界區提供免費飯餐。噢! 噢!

2015年4月10日
http://dev.eastweek.com.hk/index.php?aid=41758
董偉女兒董愛麗四年前創辦的「惜食堂」，近日收到「維港投資」創辦人之一、前特首董建華表妹張培薇的一千萬元捐款，支持惜食堂的深水埗社區中心。噢! 噢! 噢!

關係圖開始浮現喇：

梁錦松，董偉，董愛麗，董建華表妹張培薇。咁「維港投資」係咩？李嘉誠的私人創投公司。哦～

而我不知道張培薇是誰？
http://hk.apple.nextmedia.com/financees…/…/20150331/19096219

13/14年盈餘7百萬，14/15年馬會畀左1千8百萬你，15/16年董建華表妹張培薇捐左一千萬元畀你….. 咁有時經濟既野話唔埋，叫定普羅大家月捐多項收入，咪可以造多Ｄ飯盒囉，第日唔只做6千，做6萬都得。

仲有一點奇怪的是，銀行利息得27蚊，而收入除捐款外冇其他，咁收到返黎既錢佢地放左係邊呢？

睇到呢棚董事既Background，你就知點解佢地搵到張學友黃子華做代言人啦，點解馬會會畀一間得3年歷史既NGO，一次過1800萬啦。(在社福界係匪夷所思的)
係咪真係每日有6000個窮人食到「惜食堂」既飯盒？點分佈？

網頁上顯示

惜食堂每天製作超過6,000份營養均衡的飯餐，免費派發予100個慈善機構。

配額：

56%貧困長者 (3480個飯盒)
30%低收入家庭 (1800個飯盒)
8%失業人士 (480個飯盒)
3%殘疾人士 (180個飯盒)
3%其他 (180個飯盒)

好！100個慈善機構（唔係100個單位/中心），我奇怪的是香港有冇100個慈善機構日日幫你派飯呀？而攞果Ｄ人又係咪真係貧困長者/低收入家庭/失業人士/殘疾人士呢？有冇監察呢？



睇下個List先，大戶東華三院，安老院同長期護理院12間，呢Ｄ就係上面指既貧困長者？？呢12間院都係由政府資助，政府畀錢東華三院畀飯Ｄ長者食，佢就搵免費飯盒，慳左錢既係東華三院，咁東華三院有冇將慳左既錢畀返Ｄ長者？咁佢地實話將資源用返落長者服務度啦，咁對佢地班長者生活有冇影響？就係由食新鮮飯，變做食飯盒。

教會24間，呢Ｄ多數都係派發點，有需要既朋友就可以係指定時間上教會取飯盒喇，教會會唔會好嚴格咁核實取飯盒既人既身份？咁同你埋係街邊派免費報紙任攞有冇分別？咁佢攞得都代表佢窮，某程度上你都唔使俾100個NGO分發，你每個地鐵站口擺幾百盒咪得，只要棟個牌「非貧困勿取」咪得。

8%(480個飯盒) 係畀失業人士，睇左個List，有邊個（或幾個）機構可以一日搵到480個失業人士，又可以派到飯俾佢請問～？失業人士係指一些人(18-59)，想搵工但日日去搵都搵唔到，而唔係唔想返工同返唔到工果Ｄ。

咁當然制度冇完美，是旦搵個中型NGO儲備閒閒地都三幾億，仲可以買田買地買車買樓炒股票添，Fair D講佢行政費用左百幾萬係十分慳。暫時睇佢都係真係服務貧苦大眾，成效未必咁高就真，但之後到真係到普選特首變左咩就唔知了。子華威力勢不可擋，今次真係贏得好漂亮。完！


https://www.facebook.com/odyssey.astreet/posts/880137678700569


子華是咪中左伏？
可能無咁比佢過水濕腳，呢D野其實無咩人會搞，想搞都好難有系統咁搞得起