《三面形醫》播完，換句說話，要再睇艾威，真係唔知幾時啦! 之前同大家講過艾威嘅苦況，因為太太嘅病，搞到山窮水盡，好彩有一班朋友仗義相助，艾威先渡過難關。

前幾日，我哋就見到艾威同埋老婆係九龍城出現，見到威嫂精神唔錯，仲同老公一齊去打邊爐! 估唔到火鍋店老闆係嗰晚拍心口話送幾圍俾艾威，等佢可以同《三面形醫》嘅台前幕後食下飯同慶功!

艾威依家嘅情況，又點可以包幾圍者。係火鍋店老闆眼中，呢幾圍飯簡直係千里送鵝毛，最緊要大家happy!就連火煱店老闆都咁慷慨，事實證明，艾威人緣非常好，希望你快啲有新作品面世啦!

http://nextplus.nextmedia.com/news/ent/20150908/258701