是咁的，我就係個讀it既小毒拎，因為我真係好鐘意it呢一科，所以我搵兼職都想搵一份有關於it既工。

點知又真係比我搵到份電腦舖既兼職學徒，咁我其實真係第1次做呢方面既工，所以我都幾驚下，驚有咩出錯搞到舖頭會冇左個客之類。

第1日番工就教我sale手機同d網絡播放器，姐係鄰國個d盒子，咁我都學得幾快，好快就識得sale

第2日，師傅叫我試下sale手機比d客，但係因為我對韓仔機完全0性趣，samsung、lg個d除左最基本既規格之外，我都唔係好識，然後就比師傅插到飛左上天，然後個日收工師傅都好似唔係幾開心咁，我都唔係幾好意思。放工番到屋企我背哂samsung、lg、sony, 紅米，小米d機規格，想下次做番d好表現

今日番第3日，開工前，師傅叫我去總店拎貨，然後佢話｢其實我知你好有心機學野，亦都學得好快，但係有陣時有d位真係要屌過先得，本身諗住我訓練完你，你就去第2間舖做師傅，所以你比d心機啦｣，個時我就覺得好對唔住師傅，好想快d幫到佢手

所以我就想上黎問下各位巴絲，有冇前輩做呢行，希望可以提供下d專業意見比我，或者一d要注重既地方