近日電話騙案太猖獗，警方於是跟流動電訊服務商合作發放手機提示短訊，呼籲市民提防電話騙案：「如接獲任何自稱執法或其他機構人員之來電，要求交出金錢或個人及銀行資料，切勿輕信。如懷疑受騙，請立刻與警方聯絡」。但不知是否宣傳不足，市民紛紛將短訊上載社交網站，擔心是新款電話騙案，提醒大家小心，部分市民更追問對方的聯絡方法。



不少市民則借此機會向警方追撃，好似前商台DJ詹志文（Leo）立刻回覆追問佔領期間七警暗角打人，警方幾時拉人。Leo向本刊表示警方一直未有回覆，「唔理真假，只係想爭取機會為公義發聲。」填詞人梁柏堅亦回覆警方，除了聲討七警問題，亦追問以警棍毆打市民的退休警司朱經緯，但警方同樣未有回覆。梁柏堅稱一度懷疑真是騙案，後得知是警方發出，即回覆對方跟進七警打人，「梗係覆番啦，hea hea 吓又冇咗件事。」但其短訊不能發出，估計只是警方透過電訊商單方面寄出的短訊。

佔領期間被七警「暗角打鑊」的受害人曾健超說，他下午一時半收到由「HK Police」發出的短訊，「我睇完之後都半信半疑，都唔知係咪真係警察……我淨係覺得搞笑，騙徒先會係咁樣，警察要咁樣做嘢架咩？同埋你就算話立即與警方聯絡，我按個details想send番轉頭，我第一時間按details，想睇吓有冇numbers可以send番轉頭，但佢冇。我真係唔明，點解警察做嘢可以咁低能？」

曾健超亦有回覆該短訊，他指「暗角打鑊」已324日，呼籲警方將七警送上法庭進行刑事檢控，「快啲還我公義！」






















http://nextplus.nextmedia.com/news/latest/20150904/257425