《人民日報》都曾經講過中國共產黨係抗日戰爭嘅中流砥柱，今朝北京天安門就有「抗戰勝利暨反法西斯戰爭70周年」大閱兵，香港有唔少建制派人士都獲邀，經民聯梁美芬同民建聯陳克勤今朝仲急急放相上facebook打個卡，話畀大家聽自己有得閱兵有幾開心。

口裡說不，身體卻很誠實，有啲網民就好心水清嘅，喺今日提返起好多建制派都鍾意遊日本，民政事務局局長劉江華去東京shopping買靚衫、民建聯主席李慧琼同囡囡去日本浸溫泉，仲換埋和服扮「李慧琼子」、立法會主席曾鈺成去日本訪問同日本學生妹合照、仲有點少得「Tree根」民建聯鍾樹根之前去日本，口擘擘話要食咗棵櫻花咁嘅京都之旅。不過啲網民真係好好記性，就連工聯會陳婉嫻2012年遊大阪都記得。

去日本就梗係唔係建制派嘅專利，白鴿黨涂謹申之前都向咗立法會申報，太太喺日東京新宿買咗個單位，等親朋戚友去日本旅行嗰時有地方住咁話！















http://hk.apple.nextmedia.com/realtime/news/20150903/54162691