職業無分貴賤，有多少人明白這個道理？



今日（9月1日），各大討論區及facebook群組，都在瘋傳及討論一段侮辱性言論。事緣一名聲稱從事金融投資工作的男子，在facebook上大放厥詞，「唔識用腦搵錢抵佢做死一世我幾分鐘就係佢幾年勞動既（嘅）報酬，呢d（啲）咪就係窮人同有錢人既（嘅）分別，呢D（啲）白痴x跟我搵食好過啦，洗（使）x咁辛苦咩吃力討好咩，我就嘆，見到我咁佢地（哋）實喊！我真係同情呢D（啲）唔識搵錢既（嘅）人」。而他這段貼文的附圖，則是一班正在推紙皮的老人家、一班辛勤工作的地盤工，以及一班放工在巴士站等巴士的市民等等。

查閱這名「金融男」在facebook的簡介，他亦寫下類似意思的文字：「你唔加入做投資工作，你就係垃圾人渣，社會低下階層，呢個世界，金融玩晒，只要跟我，包你風山水起」。

這種不知所謂的言論，當然難逃被各大討論區及fb群組的網民聲討，他們紛紛留言怒罵，「講嘢難聽過粗口」、「發財仍需立品 他日換做相中人系（係）你 我都唔會手軟幫你影幾張相」、「我相信因果報應 做人窮唔緊要 最緊要過得自已 對得住天地良心 窮都可以快樂 但呃人錢每日都要同自已解釋唔係呃 以後點對得住人 對得住自已（己）」、「不知所謂，好痛心點解你亜（阿）媽會生你出黎（嚟）依（呢）個世界」、「中肯d（啲）講句，你都幾無前途，咁樣就覺得自己係有錢人？仲要學人狗眼看人低？你都算叻仔」、「我又真係好x想知點解你話咁x易賺你又要幫人打工自己唔賺」、「跟你包我風山水起？攞返小小地十萬黎（嚟）洗（使）下（吓）先啦！冇就入廁所搵塊鏡照下」。

面對如潮的罵聲，「金融男」一於少理，今日再更新fb，留言「我發現香港人係仇富，因為炒金一個月，收入等於佢地（哋）幾年收入，所以妒嫉人，如果唔想輸俾人，就用腦食腦學投資，唔係就要付出勞力做地盤，執紙皮，做搬運，成為社會低下楷（階）屠（層）。」


















http://nextplus.nextmedia.com/news/latest/20150901/255277